Hands-off
Credit to Author: Tempo Desk| Date: Wed, 02 Jan 2019 08:49:00 +0000
SAM Milby and Toni Gonzaga (Twitter)
PINAGDIINAN ni Toni Gonzaga na hindi raw talaga pinakialaman ng kanyang mister na si Paul Soriano ang pakikipagtrabaho niyang muli kay Sam Milby para sa 2018 Metro Manila Film Festival entry na “Mary, Marry Me.”
Ani Toni, “Paul was hands-off in the project.”
“Bibisita lang siya sa set just to say hi. Twice lang siguro ‘yun. He was really hands-off,” diin pa niya.
Hinayaan pa nga daw siya ni Paul na magdesisyon sa kung anong gusto niyang gawin sa pelikula.
“Hindi siya nag-impose ng kahit anong direction or anything, kasi sabi niya, ‘That is your market, hindi ko alam yung ganyan,’” sey pa ni Toni.
Pinatotohanan naman ni Sam ito.
“Parang present lang siya, pero hindi siya ‘yung makikialam,” ani ng guwapong aktor.
Ang “Mary, Marry Me” ay pagbabalik-tambalan nina Toni at Sam.
Huli silang mapanood bilang love team sa 2009 movie na “Ang Tanging Pamilya: AMarry Go Round.”
May kissing scene si Toni at Sam dito pero wala daw problema ito kay Paul.
Kuwento ni Toni: “Nag-usap kami about it. Kasi recently nanood kami ng ‘AStar is Born.’
“Sabi niya, ‘You know why I am so involved in this film? Because si Bradley Cooper at si Lady Gaga, you would really feel their connection in the film.
“‘Na if they slept together in the film, kung in real life may nangyari sa kanilang dalawa, hindi ko sila masisisi. Kasi they’re playing a role, e. They had to get into that character.’”
Pero hindi ibig sabihin eh okay lang kay Paul na may mangyari sa kanila si Sam sa totoong buhay for art’s sake.
“Paul is not saying I should sleep with my co-actors! But he’s saying, ‘Now I understand the process of actors, that you really need to get into the character. Because in the big screen, you cannot fake emotions. You can only put on so much,” todo explain ni Toni.
Samantala, hindi rin naman daw nagkaroon ng ilangan sa pagitan nina Sam at Toni kahit pa siyam na taon na ang lumipas mula nang magkatambal sila sa pelikula.
Ayon pa kina Toni at Sam, malaki na ang pinagbago nila mula noong naging love team sila sa mga pelikulang “My Big Love” (2008), “You Got Me!” (2007) at “You Are The One (2006).”
“Super, better version of Sam Milby. Sam 2.0 – the mature, the professional actor,” sey ni Toni kay Sam.
Si Sam naman halos ganoon din ang sinabi.
“Si Toni, siyempre, I’ve seen how much she’s grown personally and as an actress. Ang sarap makita kung saan siya ngayon and her happiness. It’s been nice working with her again.” (DELIA CUARESMA)