Kris Aquino mga mayor ang type?
Credit to Author: Tempo Desk| Date: Thu, 23 May 2019 11:24:02 +0000
GOODBYE Herbert, hello Isko ba ang “drama” ngayon ni Kris Aquino? Dahil sa pag-offer ni Kris kay incoming Manila mayor Isko Moreno na handa siyang tumulong para sa lungsod na pamumunuan nito, may ilang netizens ang nagbigay ng ibang kahulugan nito.
KRIS Aquino
Naudlot kasi ‘yung “work in progress” na relasyon nina Kris at outgoing QC mayor na si Herbert Bautista. Hindi raw kaya si Isko Moreno naman ang tila pino- “prospect” ni Kris? Grabeee! Gusto lang tumulong ni Kris, ano ba? Nagmamagandang-loob lang siya. Huwag pangunahan or else!
Ayon pa sa ilang netizens, mahilig daw si Kris sa mayor. Nakarelasyon niya si Joey Marquez na dating mayor ng Paranaque. Na-link din si Kris kay former Makati mayor Junjun Binay.
HERBERT Bautista
TIME OUT
Time out muna sa politics si outgoing QC mayor Herbert Bautista. Gusto niyang mag-aral ng pagdidirek sa pelikula. Gusto niya ring balikan ang pag-aartista at waiting siya sa mga offer.
Nami-miss na niya ang pag-arte sa harap ng kamera, ayon kay Mayor HB. May Heaven’s Best Productions naman sila ng bunso niyang kapatid na si Harlene, kaya puwede siyang gumawa ng pelikula na siya (HB) ang artista.
May mga nagsa-suggest na ituloy na gawin ng Heaven’s Best Productions ang reunion movie ng Bagets co-stars ni Mayor HB na sina Aga Muhlach, Yayo Aguila, William Martinez, Eula Valdes, among others. Samahan nila ito ng millennial bagets stars para bongga ang casting.