Vice Ganda, makumbinse kaya?
Credit to Author: Tempo Desk| Date: Tue, 05 Nov 2019 09:24:15 +0000
SUNDIN kaya ni Vice Ganda ang payo ng dati niyang manager na si Ogie Diaz? Kinukumbise siya nito na magkaanak na dahil tumatanda na siya.
VICE Ganda (IG)
Sinabihan ni Ogie si Vice na iba ang may anak. Magbabago ang pananaw niya sa buhay. Gay si Ogie na may asawa’t mga anak na all girls. Eighteen years old na ang panganay niya.
Walang problema sa asawa’t mga anak ni Ogie na gay siya. Happy family sila.
Sey daw ni Vice kay Ogie, hindi niya kayang makipag-sex sa girl. Sey naman ng huli, may ibang paraan naman para magkaanak siya tulad ng ginawa ni Joel Cruz. Oo nga naman!
Can afford naman si Vice na magbayad ng milyones sa babaeng mapipili niyang maging ina ng magiging anak niya, if ever.
Abang-abang na lang kung makukumbinse siya ni Ogie.
LIZA Soberano and Enrique Gil
PAYAG
Payag si Ogie Diaz na mag-asawa na ang alaga niyang si Liza Soberano. She is turning 22 years old next year.
Boto si Ogie kay Enrique Gil dahil matino at magalang ito. Faithful boyfriend kay Liza. Laging magkasama ang dalawa.
Sakaling gustuhin nang magpakasal ng dalawa, hindi niya pipigilan, ayon kay Ogie. Tatanungin lang daw niya si Liza kung handa na ba ito emotionally? Handa na ba itong puwedeng may mawala o mabawasan, gaya ng endorsement?
ANNE Curtis
FANGIRL
Inggit-inggitan kay Anne Curtis ang ilang celebrities dahil dream come true na nakapag-selfie siya sa Korean heartthrob at crush niyang si Gong Yoo.
Nagpaka-fangirl si Anne noong nakita niya ito sa store opening ng Louis Vitton Maison sa Seoul, South Korea.
Sa report ng PEP, lumapit si Anne kay Gong and introduced herself. Nag-request pa na mag-selfie siya with Gong. Hindi malinaw sa report kung bakit naroon si Anne. Invited ba siya sa ginanap na event?